батальонның қорғаныс ауданы

(Батальонный район обороны)

батальонды күшейтетін құралдармен толықтырылған полк қорғаныс өңірінің бөлімі. Б.қ.а. айнала қорғанысқа дайындалып, бір-бірімен атыс жүйесімен және кедергілермен байланысқан роталық тірек пункттерінен тұрады. Одан басқа Б.қ.а-нда артиллерия, минаатарлар, танктер, ТҚБР қондырғылары, зениттік құралдар және ату позициялары жабдықталады. Танкіге қарсы құралдар мен танктер бір-бірімен бірлесе қимыл жасау үшін және қарсылас танктеріне атыс жүргізу үшін қолайлы арақашықтықта орналасады. Б.қ.а-нда, сондай-ақ артиллерия және ӘШҚҚ құралдары, атыс шептері мен аға бастық резервінің жайылу шептері, қосалқы және жалған тірек пункттері мен бекініс дайындалуы мүмкін. Б.қ.а-ның ені 5 км-ге, тереңдігі 3 км-ге дейін болады. Б.қ.а-ның ені су бөгетті қорғау кезінде, тауда және басқа ерекше жағдайларда, сондай-ақ қамтамасыз ету жолағы мен алдыңғы позицияларда одан да көп болуы мүмкін.